Policia e Kosovës bën të ditur se në dy raste të ndara janë raportuar dy raste të dhunimit në kohë të ndryshme.
Sipas raportit 24 orësh të Policisë së Kosovës bëhet e ditur se në rastin e parë i cili ka ndodhur në Fushë, një person dyshohet se ka kryer veprën “dhunim” ndaj një gruas.
“Fushë Kosovë / Korrik 2024. Lidhur me rastin është identifikuar i dyshuari i cili dyshohet se ka kryer veprën e lartcekur ndaj viktimës femër kosovare. Lidhur me rastin janë ndërmarrë veprimet policore për sigurimin e prezencës së të dyshuarit dhe për trajtim të procedurat e mëtejme hetimore”, thuhet në raport.
Ndërsa në rastin e dytë ngjarja ka ndodhur në Drenas, në të cilën dyshohet se një grua pa dëshirën e saj ka kryer marrëdhënie seksuale me dy të dyshuar në kohë të ndryshme.
Siç thuhet në raport të dyshuarit janë arrestuar dhe janë dërguar në mbajtje.
“Gllogoc / 21.01.2025 – 10:58. Me 22.01.2025 është raportuar se viktima femër kosovare me dy të dyshuarit meshkuj kosovarë pa dëshirën e saj ka kryer marrëdhënie seksuale në kohë të ndryshme. Viktima është dërguar për ekzaminim mjekësor, ndërsa dy të dyshuarit janë arrestuar dhe pas intervistimit me vendim të prokurorit janë dërguar në mbajtje”, thuhet në raport.
