Prokuroria Themelore në Ferizaj ka njoftuar se është ndaluar për 48 orë një person për shkak të dyshimit për “Vrasje të rëndë”.
Kjo prokurori ka njoftuar se pas hetimeve është arritur të identifikohet dhe ndalohet ky i dyshuar lidhur me rastin kur fillimisht një person është raportuar i zhdukur nga familjarët e tij dhe sot është gjetur trupi i pajetë i tij, në malet e fshatit Manastirc të komunës së Ferizajt.
“Me vendim të Prokurorit të Shtetit, trupi i pajetë i viktimës është dërguar për obduksion në Institutin e Mjekësisë Ligjore në Prishtinë (IML)”.
“Prokuroria Themeleore në Ferizaj në koordinim me Policinë, është duke i ndërmarrë të gjitha veprimet e nevojshme hetimore me qëllim të zbardhjes së gjitha rrethanave lidhur me këtë çështje penale”, ka njoftuar tutje prokuroria.
