Një incident i rëndë ka ndodhur në orët e para të mëngjesit në Prishtinë, ku një mosmarrëveshje në trafik ka përshkallëzuar në dhunë fizike.
Sipas Policisë, i dyshuari, fillimisht ka goditur me veturë viktimën dhe pas këtij momenti, ai ka dalë nga automjeti dhe e ka sulmuar fizikisht viktimën, duke i shkaktuar lëndime trupore.
Viktima ka marrë tretman mjekësor në Qendrën Klinike Universitare të Kosovës (QKUK), ndërsa i dyshuari është arrestuar nga Policia e Kosovës.
Me vendim të prokurorit, ai është dërguar në mbajtje, ndërsa rasti po hetohet për të përcaktuar rrethanat e plota të ngjarjes.
