Policia e Kosovës ka arrestuar sot një person në Pejë dhe ka sekuestruar 9 mijë dollarë fals, pas denoncimit të një qytetari se kishte pranuar shumën e parave në emër të kthimit të një borxhi për shitblerje veturash.
Personi i arrestuar, identiteti i të cilit nuk është bërë i ditur, akuzohet se ka kryer veprën penale të falsifikimit të parasë.
Pas intervistimit në prani të avokatit të tij mbrojtës, me aktvendim të Prokurorit të Pejës i njëjti është dërguar në mbajtje për 48 orë.
Hetimi është në vazhdim dhe po ndërmerren të gjitha veprimet e nevojshme për të zbardhur plotësisht rastin.
