-Fytyra e nënës
T’i shikoj rrudhat në ballë
sa më janë të dashura
Më thonë shumë
Nuk është përrallë
T’i shikoj sytë e skuqur
natën zgjuar e kalon
Janë këto hallet
që t’kanë kapluar
e askujt s’ia tregon
T’i dëgjoj fjalët e heshtjes
që me to derdhë mërzinë
Ta kuptoj dhembjen e madhe
por s’mund ta prish qetësinë
T’i shikoj shikimet tua
janë në miliona udhëtime
Një shikim i Yti shpie
drejt tek unë o zemra ime
T’i dëgjoj lutjet tua
janë të ndara për të gjithë
Por lutja jote për tek unë,
reflekton si shkop magjik
T’i dëgjoj rrahjet e zemrës
O, e shtrenjta dashuri
Për teë gjithë ke nga një rrahje
por për mua n’veçanti
Ta shikoj lotin e ngrirë
n’ buzët tua tek bie
Loti i pastër e i dëlirë
që i jep udhë një porosie !...............
COPËZAT E KUJTIMEVE
Të zgjohesh në mëngjes
pas një nate me ëndrra maratonike
dhe të mbledhësh copëzat
e kujtimeve të tyre nëpër jetë
Të krijosh pamje për të cilën njerëzit
S`do pyesnin për çmimin e tyre
vetëm e vetëm që t`i kishin në ndonjë cep
të jetës së tyre
Atë bardhësi magjike të asaj fotografie
Atë burim energjie që shkëlqen porsi diamante
I cili i reziston kohës e i bën dritë ardhmërisë
Kjo është vet jeta
që na bën të kuptojmë
së gjerat e bukura s'shiten
as s'blehen ato thjeshtë janë në NE
Dhe ecin me ne
duke lenë gjurmë nëpër kohë
e duke e rritur fotografinë për të ardhmen
me copëzat e kujtimeve të lena pas
Që të shtyjnë të vazhdosh përpara
edhe më me forcë
E pjesëz e forcës së jetës
janë njerëzit me të veçantë
Edhe kur ta thyejnë dëshirën
Ti nuk i urren
por sa më shumë që iu largohesh
aq më pranë ju shkon
Gjerat e çmuara e të sinqerta kurrë nuk njollosen
Mbeten tempull i admirimit.
KUR S`DO JEM KËTU
As nuk dua këngë
As nuk dua poezi
As nuk dua art
As fotografi
Nuk dua të dëgjoj
As radio e as TV
As n'teatër nuk dua të shkoj
E as të shikoj komedi
Nuk dua të këndoj
Nuk dua as të qajë
Nuk dua as juve t'ju dëgjoj
Me thatë
Vet ke faj
Nuk dua
Sot nuk dua
Nesër do do të jem
Të shokët e mi
E ju do më thurni lavde
Trimi ka luftuar për Liri
Nuk dua.
N'KËNGË TË QYQES
Këndo dallëndyshe
këngën e qyqes
Këndoje atë këngë
në çdo vend ku shkon
Këngën e qyqes
me zanin tand kur e dëgjojnë
Të betohem
edhe shqiponjat do ta këndojnë
Këndo dallëndyshe
këndo atë vajtim
Këndo se kangë e qyqes
n'kët vend n'au bë himn
Ik e ik mbi re
Kangën mos ndalo
Jo veç n'stinë t'pranverës
Por n'çdo kohë kendo
Zani yt i bukur
le t'jehoj n'çdo qiell
Këndoja kangën qyqes
Se zani saj u shterr!
