Art me bën bukuria e tij
Ma ngritën mbi ozon plisin
Bota më përqafoi për shqiptar
I lartë dhe i larë me gjak
Shekujt i lamë të turpëruar
Mallkimi i plisit i zëntë
Ferri i mbuloftë perandorët
Ngado që janë
Koka ime e plisit
Plisi i rujtur për emrin tim
Sa lart të ngrit
Presidenti Klinton
Ku toka dhe qielli bashkohen
Në liri
Me plis do ngritim dolli
Pranë sofrës së bashkuar
Edhe nëse dehem
Për shumë Shqipëri në Kosovë
Udhët me çojnë në buzëqeshje
Bëhëm këngë Migjeni
Ia thëmi bilbilit
Të këndoj
Serembe e Lasgushi të krijojnë
Çlirimtarja të mos mbetët peng e betejave
Për dashurinë që ia fali plisit
Këndo Lasgush për vargu e zemrës.
PËRQAFIM LUTJESH
Fytas me përqafuan perënditë
S'kisha fuqi t'i fitoj betejat e mëkatit
Me duhej të isha i kryqëzuar
Ose Krisht i ringjallur nga ferri
Kurrë s'kam bërë lutje për vete
Për secilin njeri e engjëll kam fal urata
Roje e fjalës deri në agim kam qëndrue
Brezave me ju rujtë diçka nga fjala e shenjtë
Diçka si në ëndërr me thonë perënditë
Me u fundos nën thellësitë e detit plotë valë
Me u shndërru në simfoni të Betovenit
Titanikun me e ba bashkë më mikun
Eh perandor të dashurive ju raftë pika
Si i ndalove një mijë kujtime të zemrave
Si ma fundose edhe kohën time të artë
Ma kurrë mos me u pa më dimra të acartë.
