-Në këto anë dy herë vdiset për një nanë.
Endëm pa ditur se nga shkoj
Për t'i bashkue grimcat e atomit
Të njëmijëtat e besës së fjalës
I di djajtë që sot shndërrohen në dhembje
Kurrë nuk u bëra djall
Sikur të isha
Plagët ndoshta s'do të ekzistonin
Për sa të kenë aromë lulet
Eva s'do të këtë kurrë më plagë
Asnjë dhembje për të
Adamit kohërat do t'ia gjykojnë mëkatët
Sot na zëntë ferri i fjalës
Nëse nuk i dalim zot tokës tonë
Askush s'çanë kokën për perënditë e tokës
Ajo ngadalë po na rrëshqet nën këmbë
Po e falin dheun e njëqind betejave
Çlirimtarët s'do të kemi me çka t'i mbulojmë
Në Çakorr s'ka ma kryqëzim shpatash
As fushë beteje për me vdekë si hero
Ka vetëm mallkim varrësh që plasin
Sd'i ke ta pyes a ka fole zogjësh
Të shqipeve a te qyqeve të zeza
Po më thonë jo s'ka vdekë Zhuj Selmani
Veç Rugova është ra në rrafsh
Më pi ujë të Drinit e më u deh për Çakorr
Plas o Agim plas bashkë me Hajdin Sahitin
Që vdiq më i mbrojtë bjeshkët e Shqipërisë
Edhe njëherë vdiqëm bashkë me luftëtarët
Kur u fal Çakorri
Në këto anë dy herë vdiset për një nanë.
