Ti e di fare mirë çfarë unë ndjej
Ti e di ku dhe kur unë lëndohem
Mos e kënaq egon tënde të varfër
Me plagën time që fare nuk shërohet
Kujdes kur më thua
E di unë ku të dhemb më shumë ty
Se është plagë që dhemb e djeg si zjarr
Plagë që ndjehet e nuk thuhet me fjalë
Mos të lutem, mos
Më kurse t'më lëndosh
Në ndjenjën që më vret
Mos më sulmo mu në plagë
Aty ku më së shumëti mua më dhemb
E kotë qenka t’kërkoj shërim
Paska plagë që s'mbyllëshkan kurrë
Madje, secilën ditë të jetuar
Bëheshka plagë edhe më e thellë.
QESHU
Mos shmang veten nga e qeshura
Qeshu...mos u ndal kurrë
E qeshura shëron zemrën
E copëton secilin gurë.
Qeshu edhe atëherë kur nuk t’qeshet
Qeshu edhe atëherë kur je pikëlluar
E qeshura është ilaçi më i mirë
Për zemrën e lënduar
Gjej arësyen mes trishtimit
Qeshu e mos ja varë veshin zemërimit
Bëja vetes dimrin verë
Qeshu, qeshu,përherë.
EJA
Eja së dua të të fali
Një copë nga zemra ime
Të më duash edhe atëherë kur nuk më sheh
Eja së dua të të fali
Një pjesë nga shpirti im
Kur është errësirë
Nuk e harron rrugën për tek unë
Eja së dua të ta fali
Gjysmën e shikimit tim
Të shohësh
Së sa shumë rëndësi ke për mua
Eja së dua të ta fali
Gjysmën e vetes time
Të mundesh të më duash
Sa gjysma asaj që unë të dua ty.
