O Lili, o Lili!
Ta këndoi këngën me oi!
O Kolonjë, kurorë me male,
Nga lashtësia, histori e madhe.
I rrit trimat jelekartë,
Porsi burrat luftojnë gratë,
Flakë lëshon jatagani,
Edhe sytë xixa stërralli.
Je Kolonja, je lavdia
Nëpër oda ndrin mençuria
Në beteja ndrin trimëria
Se ti je zemër Arbëria.
O LIli! O Lili!
Ç’deshe ti në Itali?!
Më tha Bani, o bre burrë,
Bjeri ushtarit me gurë!...
Dhe Lilia një sokoleshë
Me gurë kokën ia ka përsheshë
Ia ka regjur si një lëkurë
Qëndron gruaja porsi burrë.
Si burrë mbron derën e kullës
Ia pastroi gjëmbat udhës
Ndaj si një yll ndrin në histori
Ti, madhështorja Lili!
Si një shqipe krahët hapur,
Në horizontin e përflakur
Fluturon nga brezi në brez
Një zjarr të ndritur zemrave ndez.
Se nga Mollë e Kuqe
E gjer te Arta,
E ka folenë një shqipe,
Fluturon me të shpejtat flatra.
Kjo shqiponjë i ngjason Lilisë
Që luftoi në mbrojtje të lirisë
Ndaj provoi burgjet e Italisë
E mbrujtur prej Perëndisë.
O Lili, ti moj shqiponjë
U linde e u rrite në Kolonjë
Rrëzë Gramozi në ato shkrepa
Në liri ka kuptim jeta.
Ndaj po prin si një flamur
Hasmi vritet dhe me gurë
Ndaj dy gurë mbaje te brezi
Me gurë stralli zjarrin e ndezi.
O Lili! Ti kolonjare
Je frymëzim për gratë shqiptare
Se për Atdhe e për Flamur
Armiku vritet dhe me gurë.
Ndaj mbani në brez dy gurë stralli
Armikut kokën ia kallni
Le të tundet fusha e mali
Të luftojë çika si djali.
Të përsëritet historia
Me i ba një trojet e mia
Me i qëndru besnik kësaj fjale
Duam vatanin në dyzet male.
Dyzet male me shqiponja
Atje rritet veç lule zonja
Atje rritet shqiptari i ri
E sheh vdekjen drejt në sy.
Atje rritet ajka e shqiptarit
Fort i ngjaka babai djalit
E kanë zemrën plot furi
Për flamurin kuq e zi.
O Lili! O moj Lili!
Ta këndoj këngën me oi!
Sot vatanin na e kanë shky
Na kanë heq dritën në sy.
Po na ka lodhë ky coptim i gjatë
Si Lilia të luftojnë gratë
Në dyzet male të ngrejmë flamur
Të ia kallim hasmit kokën me gur.
