Moj vendlindje qofsh beku
gjithë jetën për ty kam me vepru
Bukurinë ta ka dhanë Zoti
Emrin Gllogjan mot mas moti
As këndej as përtej drinit
Kot nuk i thonë Gllogjani i Dukagjinit
Përmbi kodra dhe mbi natyrë
O Gllogjan me njerëz të mirë
Pëllëmbë për pëllëmbë
Dhe shtëpi për shtëpi
Janë oxhaqet krenari,
Këmbanat e Kishës ta bëjnë zgjimin
I madhi Zot ta dha bekimin
O Gllogjan po fryen stuhia
At Luigj Palaj është krenaria
Mbrojti komb, fe e atdhe
Martir i kombit në këtë dhe
Shtjefen Gjeçovi
Këtë vend shpesh e pat vizitu
Libra shqipe këtu ka pru
Po fryen era e vatanit
Shkolla e parë në Lug të Baranit
Me krenari po bjen sharkia
Për ju o Hasan Koci e Gjon Fazlia
Sot e përjetë o ju dy bajraktar
Ju jetuat me faqe të bardhë
Hije ju patë pesha e burrnia
Lumë Gllogjani e shqiptaria
Ishit kanë dy fise me za
Shumë pajtime kishit ba
ju vlerësuan për besë e nder
Kullë për kullë e derë për derë
Qysh se mbahet mend prej motit
Ju si dy nipa të Kastriotit
Ju denuan në burgjet e Serbisë
Vetëm që ishit në krah
Të Ndue Perlleshit e shqiptarisë
Sa herë që në kullat tona mblidhej burrnia
Thuhej si Hasan Koci e Gjon Fazlia
Njoftë ju ka koha në këtë vend
Për burrni e trima me vend
Në luftë me turk
E në luftë me shka
Për besë të Zotit shumë na kanë vra
Nga Gllogjani në shpat e vrri
Ranë martirë dy trima të ri
Janë këta trima të lirisë
Prek Velaj e Syl Ademi
I Gllogjanit të Shqipnisë
I vrau shkau i Serbisë
Vetëm se ishin gjak i shqiptarië
Dhe ushtarë të Arbërisë
Kur pushka e parë krisi në Dugagjin
Një rrufe erdhi si shpëtim
Burrë me za e trim i madh i lirisë
Komandant Nue Perlleshi biri i Shqipërisë
Nuk e patë ma trim toka e krejt Arbërisë
Në Gllogjan kur sulmoj Serbia
Para tenkeve u del Don Kelmend burrnia
Mos m`i prek o shkja i zi
Se të gjithë jemi të një gjaku vëllazëit e mi
Kur Jabllanicën e sulmoj Serbia
Mbi 17 familje në Gllogjan i dogji Serbia
Mbi 3700 njerëz në këtë Kishë janë strehu
Serbi duke i rreh e duke i maltretu
I Madhi Zot na ka beku
Që këtë popull
Në Kishën e Shën Ndout e ka shpëtu
Kush për mik ka ardhë në këto anë
Është përcjellë me faqe të bardhë
Shekujt flasin histori
Ka Gllogjani trima venali
Joz Ademi një djalë te ri
Djalë i ri e trim si zana
Për UÇK-ën e kish pas lindë nana
Jam Gllogjan e venali
Jam për Shqipen krenari
Këtu ka burra e burrni
Këtu i thonë jemi Gllogjani venali
Që brez pas brezi kena shkru histori.
