1. Për dashurinë
Dashuria nuk këndohet, po vajtohet,
s'kërkon të qeshur, po lot,
s'kërkon fjalë, po shpirt,
s'kërkon tendencë, po transedencë!
2.Për dhembjen e kokës dhe zemrës
Dhembja e kokës vjen nga urrejtja e smira,
dhembja e zemrës nga bukuria e dashuria.
3. Pë lumturinë dhe stresin
I lumturuari pak fle,
i stresuari rrit kërkesën për gjumë.
4. Për sytë
Syri i njeriut dallon prej syrit të kafshëve sepse syri i njeriut është për të lexuar, studiuar e analizuar, kurse i kafshëve për të shikuar.
Zoti i Madhëruar njeriut i dha katër sy: Dy janë sy të kokës dhe dy të zemrës. Me sytë e kokës i shohim krijesat, ndërsa me dy sy të zemrës Dashurinë...
5. Për ankesën
Te gjithë njerëzit ankohen për shëndet e lek, askush për moral e sinqeritet.
6. Për llojet e shpirtrave
Shpirti kuptohet në tre mënyra:
1.Shpirti trupor. Ai e mban të gjallë trupin. Ndjen dhembje trupore.
2. Shpirti i jetës. Ai ha, pi, urritet dhe etet.
3. Shpirti rrjedhës, udhëtues, gjallërues. Ky shpirt zgjohet kur dashurohet.
Shtojcë:
Nga përvoja e shkollës mistike!
