Rruaza të mëndafshta
Pikat e serta të shiut
Gjerdan loti në qiell …
…
Bluja e lumit të fryrë
Përmbyt sytë e tu befas
Dallga bie mbi mua…
…
Kur po mbytesha dikur
Mjegulla në breg
Ishte hija jote…
…
Arusha e lagur
Shtyn këlyshët nga rruga
Me fshesën e shiut…
…
Skajuar në qiell
Ylberi i pas shiut
Hark i ëndërrt triumfi…
…
Puthjen e parë
Atherë e lau shiu
Dhe humbi me gjethet…
…
Dy vezë dallëndysheje
Mbi barin e lagur
Çelin me klithje…
…
Lypsari falet në shi
Era i shkund xhepat
Bie monedha e vetme…
…
Mbi pasqyrën e liqenit
Pendlat e pulëbardhave
Kullojnë mjegullën e shiut…
…
Jam si gacë që digjet
Në pyllin e thatë
Dhe shiu më shuan…
