Aty ku n'oda burrash është pjekur burrëria
Tingllonte e digjej teli i lahutës,
Me t’lartin za sharkia e çiftelia
Me këngët e burrave që kishin trimëri
Aty u lidhë besa për vdekje a Liri!
Kur Piranën, bashkë me Përdrini
E mbuloi flaka e pushtoi tymi
Nga goditjet toka lëkundej
Ushtria Serbe keq po shkundej;
-„Kuku lele majko se ç’na na gjeti“,
Sulmojnë shqipet si termeti,
Si pa krye ranë 9 paralimitar si gjela deti.
Kudo dëgjoheshin krisma, batare,
Krisma e pushkëve u printe zjarreve
Për t’u marrë hak barbarëve
Pëllëmb për pëllmb në Përdrini
Derdhet gjaku për liri.
Asnjëherë nuk ndërruan mendim,
Për t’luftuar për çlirim!
Për çlirim të tokave shqiptare,
U betuan t’mos ndalen fare!
Kur Kosovën e mbuloj flaka
Digjen katunde nga flaka e tymi
S‘mbeti vend pa u përgjakë
Njerëzit vriteshin sikur krimbi!
Kot po e presin n‘mal lisat eren
Marsi-Prilli s'po i çel lulet
Serbi peng po e mban pranveren.
Trimat e Piranës nuk përkulen
Qojnë mesazh trimat prej malit
Asnjë pëllëmbë si lëmë barbarit
Shtëpi për shtëpi, tym për tym
Kanë lindë nënat nga një trim
Se lëmë vendin nën pushtim
Ashtu si e kërkojnë trimat
Ndërron shtatin dhe kërkon Toka
Është UÇK në log betejash
Të shpëtojë me mijëra koka.
S’ju tremb syri e s’ju drodh zemra
Se një herë i kish bërë nana
U rriten e përjetësohen me pavdekësi
Për Dritë me Diell – për Liri
Se vendit i duhen prapë lisat në kodër
Që kurrë nuk lënë t’shuhet zjarri n’votër.
Me mish e shpirt bënin përpjekje,
Për t’luftuar deri në vdekje!
Se pushtuesit barbar-karpatian,
Tmerr e dhembje lanë në çdo anë,
Si në qytet ashtu edhe n’Piranë,
S’kursyen fëmijë, pleqt, as gratë!
Por, mbas një shekulli e disa vjet,
Thembra e këmbës gjet gjurmën e vet,
Barbarët, morrën rrugë për n‘ Shumadi,
Për shkie, s’kishte djep në Dardani!
Aty ku gjëmon toka, aty ku derdhet gjaku,
Aty do vie liria, kështu thoshte Plaku.
JU nderuat kombin dhe Piranën,
Bashkë me kombin dhe Therandën,
Qiellin e Kosovës, kombin shqiptar!
Nderuat ngjyrat e forta të flamurit kuqezi!
Zjarrin himnizues që dhuroi një Perëndi
Zemrat e trimave i çoi peshë Liria!
Bashkuan pushkët, luftuan roberinë
Tokës së Kosovës t‘ia sjellin Lirinë
Djemt e bijat e Shqipes si Shqiponja
Gjithmonë u gezofshin zemrat tona!
04 qershor 1999
Haki Latifi
Shënim shtesë:
Me 18 prill 1999, është zhvilluar beteja e Piranës, në hyrje të fshatit-pranë vorrezave, në mes të luftëtarëve të Ushtrisë Çlirimtare të Kosovës dhe forcave armike serbe.
Nga luftimet në këtë betejë, në mes të një kolone me mjete të blinduara kundër-ajrore të forcave serbe u asgjësuar një automjet i blinduar kundërajror dhe 9 paramilitar serb.
Në fushëbetejë, në të cilën nga njesitë çlirimtare i mposhtën forcat agresore ushtarake dhe policore serbe në Piranë dhe njekohësisht u thye miti se ushtria dhe policia serbe është e pamposhtur.
Betejës frontale i kishte prirë Njësia Speciale e UÇK-së e që vepronte në kuadër të Brigadës 125, dhe e cila komandohej nga ushtaraku i karierës, Kolonel Nehat Basha në Zonën Operative të Pashtrikut.
Jeta dhe qëllimi i luftëtarëve ishte një hiq para qëllimeve që kishte lufta çlirimtare. Ata dëshmuan me jetën e tyre se si duhet jetuar, luftuar dhe si duhet të vdisej për lirinë e atdheut.Haki Latifi!
