Kurrë nuk të pava Shqipëri derisa u burrërova
Trëndafil të kam i thash jetës
E kam dashur shumë fytyrën e luftëtarit
Më vinte keq ta pysja babain
Pse nuk më pagëzuan Gjergj Kastrioti
Ose edhe Gjergj Fishta që fshehtas e lexova
Më thanë të pagëzuem në Agimin e lirisë
Më i ngja pak bac Ademit që na nxori nga ferri
Çdo të diele bëra lutje dhe fala mijëra dëshira
Gëzohesha kur urata më shkonte aty ku dëshiroja
Të fal ishte në natyrën time të shenjtë
Sepse edhe unë isha një djalosh i falur
Por që kisha veç një nënë, nënën Shqipëri
Kurrë nuk e pava në jetë deri sa u burrërova
Ndarjen që na kish bërë Evropa e kisha plagë
Ende sot e asaj ditë nuk gjeti shërim
Shumë kush na ka ladrue nënën
E na kurrë pa u mbushë mendë
Edhe pse mendja e jonë pak është e krisur
Ia kalon botës që na bëri edhe neve të krisur
Poemth bye Agim është çdo ditë jeta ime në varg
Pse di të fal e s'di të urrej as një njeri të vetëm
Në ditarin tim të jetës i ruaj kujtimet e bukura
Ato që i deshta dhe ato që nuk me deshtën
Në kujtimet e hidhura e di kush me shau e kush më vrau për se gjalli
I thëm të lumtë o Çun Lajqi që ia sharron
Atyre që atkinë e lidhin me litar të gjatë
Në livadh të huaj kurrë nuk e lidhnim kalin
Fytyra kishte frikë të na shalonin në pik të ditës
E bukura s'paska fund në ditëlindjen time
Se arti është art ma dëshmoj ëndrra ime
Kur u gjenda në tokën e premtuar
Ç'ma kujtonte fëmijërinë e djepit të nënës
Ballë për ballë me Yllin e Davidit sa shumë u rrita
Edhe kur ma sjelli "Rikthimin e Prometheut"
Në anglisht nga Amerika e bija e poetit Ymer Elshani
Dita ditës po rritëmi me rikthimin e Abrahamit
Tokës se Drenicës po i rikthehen zjarret prekaziane
Sa fluturon nipçe i këtyre vargjeve të shpirtit
Në këtë rrugëtim lexova për çlirimtarët e atdheut
Marije Shllakun që erdhi të luftoi fyt me fyt
Me okupatorët sllavo çetnike
Dhe lexova edhe për Shotë Galicën
Dhe engjëj tjerë të nënqielliin tonë
Ernën e Ajkunën nëpër legjenda që rrinë zgjuar
Në sytë e tyre e shoh të bukurën e tokës e detit
Trëndafilat e pranerës i gjeta në kopshtin e Edenit
Në Anatemê e pathënë i kam dy bamirëset e shekullit 21
NënënTerezen dhe Anna Ballabanin
Dhe"Hyj Pellazg" tani më përkthehet në Itali
Kam shumë për të thënë për të pathënat që i ruaj në ditar
Një ditë do t'i zgjidhet gryka e lëmshit të botës
Ndoshta edhe Kutia e Pandorës do të hapet
Deri atëherë gëzuar me poemth bye Agim!
