Nina nana djali mamit
Të lindi mami në qytet
Me vota të katundit
Të më bëhesh deputet
Nina -nana lumja nana
Të më bëhesh tamam burrë
Dashurinë ndaj karrigës
Të mos e humbasish kurrë
Nina nana shpirti mamit
Të lindi mami mu në festë
Kur të më bëhesh kryeministër
Mos e paçi asnjë protestë
Nina nana loqka e mamushit
Për mësysh është vendi i hundës
Nuk ta bëj hallall mundin
Pa tre-katër vende të punës
Nina- nana loçkomani i mamit
Ditë të mira ke për të pritë
Nga zemra mami të uron
Mos të pafsha kurrë në opozitë
