Kujdes për lulen time
E kam mbjell në dheun tonë
Të lutem kujdesu
Se fort afër zemrës e kam
E di se katër stinët e vitit
Ti i ke krijue
E tash kur erdh dimri
Lulen time nuk e ke harrue
Edhe Kur të vjen pranvera
Lulja prapë është me mue
Jetën me pak fjalë
Mundem më e shpjegue
Të gjitha si ekzistojnë
Zoti ti i ka krijue
Vdekja është pjesë e jetës
Nuk është për më u frikësue
Kur të vjen Zoti më e marrë
Duhesh më u trimërue
Krejt jena lulet e tij
Në kopshtin e madh të luleve
Kështu si për sot
Babin tim e kam në mendje
Gjithë kohën më e mendue.
