Alisa, kam dashur ta gjej ndonjë gabim
Mbretëroj nëpër mendimet e tua fëmijrore
Si në shpella ciklopësh më është dukur hapi im
Po ti më dhe krahë dhe ëndrra fluturore.
Se tregimet e tua po valojkan te rruga
Si vala e flamurit te kulla pas fitores
Ëndrrat e imagjinatës më futën në gurra
Do ecin si krojet ujëfresktët në shpatet malore.
Ti shuan etjen e shkronjës bashkëmoshatarëve
Flet me gjuhën e shekujve me talent.
Alisa …..
Te unë hyn mendimi yt si shkuma e dallgëve
Nga udhëtimi yt misterioz që mbaron shpejt
E gjithëmon me fitore!
Ti do jesh kalorëse e tregimeve fëmijërore
O fjalëmençura që shkruan në livadhe
Prek lulet e freskëta të dashurisë botërore
E me dorën tënde të vockël na hap të tjera dritare.
Firmos shumë pasaporta me vlerë.
Ëndërroj që tregimet t’I lexojë bota
Të vërshojnë ku flitet shqip gjithandej.
Të kujtosh abetaren ku mësove e shkrove shkronja!
Me e tregimet e tua të zesh më shumë miq.
S’dua të shkoj buzëplasur në botën tjetër.
Pa e shuar etjen e viteve në secilin tregim
Qe shpirtin na e kënaqin me lavdinë e vlerës.
