Na ikën vitet kot larg nga arë e grurit
na ikën vitet kot larg nga urë e gurit
na ikën vitet kot larg nga rrjedhë e Drinit
na ikën vitet kot larg nga lulet e Dukagjinit
na ikën vitet kot siç ikin retë e qiellit
na ikën vitet kot duke ngarendur pas diellit...
Në…
në ngjyrat e ylberit
në vrapin e drerit
në krahët e nderit
ne gjetëm kuptimin
në rrënjët e lisit
në shkëlqimin e plisit
në mbamendjen e fisit
ne gjetëm burimin
në prehërin e nënës
në buzëqeshjen e motrëd
në ngrohtësinë e votrës
ne gjetëm gëzimin
në ëndrrën e gjyshit
në shpresën e babait
në trimërinë e vëllait
ne gjetëm shpëtimin...
Rozafë
sa gurë u renditën mbi trupin tënd Rozafë
nga duartë e kunetërve mjeshtër gdhend latuar
vëllai i vogël i bindur në besë bëri gafë
apo akti yt i flijimit në ballë të ishte shkruar
shekujt vijnë e ikin në pambarim
toka nuk flet asnjë fjalë nuk flet as guri
fjalë e besë e dhënë nga një premtim
në shi e në diell tash nxinë vetë muri...
Në këtë fillim maji
ty nuk të prek faji
ty nuk të zë vaji
ti shpresat mbaji
në këtë fillim maji...
