Si libër i pa lexuar e këngë e pa kënduar,
Si melodi e pa dëgjuar e zjarr i pa shuar,
Si ujë i pa turbulluar e si deti i pa trazuar
Jam UNË për TY.
Për TY që s’më kupton,
Jam libër i pa lexuar e këngë e pa kënduar.
Për TY që s’ndjen asgjë,
Jam melodi e pa dëgjuar.
Për TY që të djeg,
Jam zjarr i pa shuar.
Për TY që me mua s’arrite t’lundrosh,
Jam ujë i pa turbulluar.
Për TY që kurrë s’arrite t’më turbullosh,
Jam si deti i pa trazuar.
Jam UNË ajo që isha,
E TI nuk ishe dhe as nuk je,
As libër, as këngë, as melodi,
Nuk e di dhe a je njeri?
Nuk je as zjarr, as ujë, as det,
…sepse ishe dhe mbete vet,
Labirint i vërtetë.
