Sonte do të doja të mos
më priste asgjë
të humbisja në labirinthet e zvargur
të jetës
Të mos dija
shikoja
dëgjoja
Asgjë
E kujt i intereson
nesër çdo të jetë
Sonte nuk dua të mendoj asgjë
kush jam
pse jam
dhe kush më pret
Ah ,po më çmend çmenduria
dua një ditë të heshtur
në kaq të heshturën jetë
Mos dilni në rrugë
mos më thoni mirëmëngjes
nuk më intereson në është mbrëmje
as tik- taket e orës në vesh
Nuk dua të di
mos më thoni asgjë
nuk jam këtu
s'po jetoj më
Më lini një ditë
Vetëm një
Të jetë e imja
Të mos më presë
ASGJË....
