Dymijë vjet ka që kemi lind në këto troje
Brez pas brezi këtu qëndruan shqipet tona
Në zemër e shpirt e kishim dashurinë për atdheun
Sikur stërgjyshi Isuf Dema që ra në peshë
E kurrë nuk e çeli gojën veç e hapi zemrën
Në Goli Otok së bashku me mijëra atdhetarë
Dhemb për dhemb e fyt për fyt me lloj lloj demonësh
Shqipërisë secili ia falën jetën për të vërtetën
Dhe Ti biri im linde në një kohë kur i duhesh kohës
Jam e lumtur që trashëgove atdhetarizmin e stërgjyshit tënd
Fuqia e tij matët veç me fjalët se e do edhe ti vendlindjen
Gjithmonë nënë e baba do të jenë udhërrefyesi yt
Që historinë e stërgjyshërve ta morem me vete
Nuk ia lamë peng heshtjes as Kosovës martire
Së ndoshta do të na gjykonin nëse Ti nuk i di
Por jemi me fat që në shpirtin tënd flejnë veprat atdhetare
Të parët tanë kanë thënë ngado që shkon ndërto nga një shtëpi
E Ti ndërtove mijëra miqësi nga vendlindja deri në Shqipëri
Besa edhe në Amerikën e largët deri këtu në Gjermani
Ku është liria e shtrenjtë dhe e shenjtë ku ka demokraci.
Bekimet biri im ta trashëgosh Kështjellën së bashku na me ty
Datëlindjen e 20-të të urojmë motrat e prindërit tu!
