Ju zemra demokrate
Anë e mbanë globit
U erdhi ky lajm mandate
Lajm i rëndë I kobit!
Ju zemra së bashku qani
Për heroin e globit Navalnin.
E vranë në të ftohtën qeli
Luftëtarin e madh për demokraci.
Kundërshtari, despot i zi
Që po gjakos një Rusi
Ah, sikur të ngjallej Esenini
Të thurte vargje vajtimi…
Të thurte vargje dashurie
Për Navalnin, simbol Iirie
Për sytë e tij plot shpresë
Për buzëqeshjen e tij çdo mëngjes.
O nënë e Navalit, moj zemër fisnike!
Biri yt u kthye në një roje drite
Që po verbon sytë e gjaksorit
Dhe po ndriçon sytë e gjithë globit!
Navali me forcën e guximit
Nuk njohu mënyrën e nënshtrimit
Pranoj mënyrën e përballjes
Me forcën e shpirtit si të dallgës.
Me Diktatorin më të egër në botë
Në sy fëmijësh mos të ketë lotë
Tani Navalni u khye në frymë
Që frymëzon njerëzimin për Lirinë.
Gjigand kundër korrupsionit
I pathyeshëm përballë Putin mizorit
Mizori nuk ta mposhti forcën e guximit
Mizori nuk ta preu dot fjalën
Ty vigan në sheshin e Kremlinit
Rreth teje heronjtë e Rusisë u ngjallën.
Mizori kurrë nuk ta prishi buzëqeshjen
Me sy gjaksorësh kur u ndeshën
Për ty sot loton e gjithë Rusia
Se për të, ti ishe mrekullia.
Se ti në çdo zemër mbillje shpresën
Tu u bëre diell që ngroh me rrezen
Edhe i vdekur gjaksorëve u ngjalle frikën
Edhe i vdekur i bën që të dridhen…
Për ty loton çdo zemër nëne
Në të gjithë botën përballë kësaj gjëme
Loti i hidhur po e thanë syrin
Nëna e mjerë kërkon të birin!
Kjo gjëmë e madhe thau drurin
Kjo gjëmë e madhe çau gurin
Kjo gjëmë e madhe përloti burrin
Kjo gjëmë e madhe e uli në gjysm shtizë flamurin…
Kjo gjëmë e rëndë ndodhi në Rusi
Pas kësaj gjëme po ngrohet një rini
Me shpirt e frymë Navalni
Vetëm për Liri rusët s’të falin!
Navalni kundër atyre që terrorizojnë njerëzinë
Kundër luftës kriminale në Ukrahinë
Kundër mizorit që mban gishtin
Në butonin e një bombe atomike
Njerëzimin duke e drithëruar prej frike…
Navalni kundër të keqes në Botë
Të keqen nuk e duronte dot!
Sa herë u ndesh me tiraninë
Duke treguar trimërinë.
Por sot në arkivol e shtrinë
Dhe i shtrirë e tmerron lubinë
Navalni e fali rininë
Për botën e jo vetëm për Rusinë.
Vepra e tij ndrit kudo
Për të gjithë Botën Ti je Hero!
