Festivali i famshëm që kthen çdo vit vëmendjen ndërkombëtare në Kosovë, “Sunny Hill Festival” ka lansuar zyrtarisht datat e këtij edicioni.
Prej 1 deri më 3 gusht janë datat kur artistë me renome globale e ata vendorë do të performojnë në Prishtinë.
“Përshëndetje, ju flet vera juaj. 01 – 03 Gusht është krejt për Sunny Hill Festival,” kanë shkruar organizatorët në faqen zyrtare të festivalit në Facebook.
Edicioni i vitit të kaluar u mbajt për herë të parë në ‘shtëpinë’ e festivalit, hapësirën e re në Bërnicë prej ku u pritën mbi 100 mijë vizitorë.
Bebe Rexha, Black Coffe dhe emra të tjerë sollën magjinë e skenave ndërkombëtare në kryeqytetin e Kosovës.
