Ministri i Kulturës, Hajrulla Çeku ka njoftuar për vazhdimin e punimeve restauruese në një prej shtëpive historike më të vjetra në Mitrovicë, asaj të familjes Koroglu.
Sipas ministrit Çeku, ky është një aset i rëndësishëm për qytetin, i cili do t'i rezistojë kohës dhe çdo forme të shkatërrimit anti-kulturor.
"Angazhim i parreshtur institucional, trajtim efikas ndaj trashëgimisë sonë. Punimet restauruese në një prej shtëpive më të vjetra në Mitrovicë, asaj të familjes Koroglu po vazhdojnë.
Ky aset i rëndësisë së veçantë për qytetin do t’i rezistojë edhe kohës edhe motiveve anti-kulturore" ka shkruar Çeku në Facebook.
Tutje ai ka theksuar se Mitrovica është një nga përfitueset kryesore të investimeve në fushën e trashëgimisë kulturore.
