Prokuroria Themelore Publike Kumanovë dhënë urdhër për zhvillimin e procedurës hetimore kundër personit i cili dyshohet se ka kryer vepër penale “Prodhim dhe shpërndarje e paautorizuar e narkotikëve, substancave psikotrope dhe prekursorëve” nga neni 215 paragrafi 1 i Kodit Penal, thuhet në njoftimin e Prokurorisë.
“Gjatë kontrollit të kryer më 12 prill në shtëpinë e të dyshuarit në rrugën “Josko Ilievski” në Kumanovë, është gjetur një lëndë narkotike – kokainë me peshë totale neto prej 6.8 gram. I dyshuari e ka blerë drogën e destinuar për rishitje të mëtejshme, e ka ripaketuar në nëntë pako më të vogla dhe e ka mbajtur në shtëpi së bashku me një peshore dixhitale.
Prokurori publik kompetent i ka dorëzuar gjyqtarit të procedurës paraprake nga Gjykata Themelore Kumanovë propozim për caktimin e masës së paraburgimit për të dyshuarin. Mirëpo, propozimi nuk u pranua dhe gjykata me vendim të dyshuarit i caktoi masë sigurimi – konfiskim të përkohshëm të dokumenteve të udhëtimit dhe detyrim për paraqitje një herë në javë te një zyrtar i caktuar”, thonë nga Prokuroria.
