Burime nga “Danas” kanë njoftuar se kreu i Këshillit për Kosovën në Kuvendin e Serbisë Milovan Drecun, ka caktuar mbledhje të këtij këshilli, e cila do të jetë e mbyllur për opinion, siç është bërë tashmë e zakonshme, transmeton “Bota Sot”.
Në njoftim thuhet se mbledhja e Këshillit për Kosovën mbahet sot dhe në të pritet të shqyrtohet situata aktuale e sigurisë në Kosovë në aspektin e rrezikimit të sigurisë së popullatës serbe.
Mbledhja, siç ka ndodhur edhe në të kaluarën, do të jetë e mbyllur për opinion, bazuar në pikën 21 alineja 1 të vendimit për trajtimin e të dhënave sekrete.
Pas mbledhjes së Këshillit, është paralajmëruar kumtesa e zakonshme për media dhe deklarata e kreut të Këshillit Drecun për mediet e interesuara.
Kjo mbledhje do të mbahet pikërisht sot pas takimit të presidentit Vuçiq dhe drejtorit të ashtuquajturës zyrës për Kosovën Petkoviç me drejtuesit e institucioneve dhe përfaqësuesit e serbëve të Kosovës.
