Dr. Anthony Fauci, drejtor i Institutit Kombëtar Amerikan për Alergji dhe Sëmundje Infektive, deklaroi disa ditë më parë se “bartja e dy maskave për një mbrojtje më të mirë ndaj virusit ka kuptim, sepse më shumë shtresa janë më të mira se një”.
Kohët e fundit, gjithnjë e më shumë variante të reja të koronavirusit janë shfaqur, kështu që Dr. Fauci gjithashtu iu referua temës së efektivitetit të maskave në një situatë kur variantet e reja po shfaqen.
Në një konferencë të mbajtur në Shtëpinë e Bardhë javën e kaluar, Fauci u pyet nëse maskat janë më pak efektive me variantet e reja të virusit.
“Ato nuk janë më pak efektive, përkundrazi. Variantet e ndryshme të virusit janë një arsye më shumë se pse maska duhet të mbahet gjithmonë”, u përgjigj Dr. Fauci, siç raportohet nga NBC News.
