Analisti politik Nemanja Staroviç vizitën e presidentit Vuçiq në Paris me presidentin francez Makron e vlerëson si kthesë të re në raportet mes dy vendeve, shkruan “Tanjug” transmeton “Bota Sot”.
Bëhet fjalë për edhe një hap në ndërtimin e partneritetit strategjik mes dy vendeve dhe depërtimin e Serbisë në fushën e integrimit dhe zgjidhjen e çështjes së Kosovës.
"Takimi mes presidentëve është me rëndësi në kohën që ndodhi, ndërsa ne e dimë se jemi në situatën e pandemisë kur raporti i forcave në Evropë po ndryshon. Vizita u dëshmua e drejtë pas vendimit të Francës për ripërtëritjen e raporteve me Serbinë” tha Starović.
Ai e ka quajtur si “dërrasë kërcyese” për kthimin e Francës në regjion dhe kuptimin politik dhe ekonomik.
Tema kryesore ishte çështja e Kosovës dhe tërheq vërejtjen se “Makron insistoi në përdorimin e kompromisit dhe qasje inovative që do të jetë e pranueshme për të dy palët”.
“Kjo qasje ndryshon shumë nga qëndrimi rigid dhe dogmatik i diplomacisë gjermane që me gjasë do jetë në harmoni me administratën e re të Biden” konsideron ai.
Ai thotë se në këtë situatë mund të ndodhë të jenë në goditje të “presionit të bashkuar të Berlinit edhe Uashingtonit” ndërsa pjesëmarrja e diplomacisë franceze është e dobishme për të përballuar këto presione.
Në pyetjen si vlerëson rolin e përbashkët francez dhe gjerman dhe rolin e të dërguarit special të BE për dialog Lajçak, Staroviç tha se Franca i jep mbështetje Lajçakut, por kjo nuk do të thotë "ai duhet të marr përsipër edhe qëndrimet e Parisit” ".
Staroviç shprehet e ajo për çka do të mbahet mend vizita është akordimi për metodologjinë e qasjes së re në rrugën evropiane të Serbisë.
"Duke u nis nga fakti se pikërisht Franca ishte iniciator i lansimit të metodologjisë së re, Serbia është shteti i parë që përcaktohet në këtë proces dhe që pranoi metodologjinë e re” tha ai.
