Ka shumë arsye për rezultate të kufizuara të dialogut, që nga situata e brendshme në dy palët e procesit, deri tek pritjet e ndryshme dhe dykuptimëshe për normalizimin thuhet në analizën e Qendrës analitike pranë Parlamentit Evropian, shkruan “Telegraf”, transmeton “ Bota sot”.
Gjatë dhjetë viteve të dialogut dhe takimeve në Bruksel, ka pasur suksese të caktuara, por procesi u rëndua dhe tash tregon rezultate të kufizuara thonë nga qendra analitike.
Ka shumë shkaqe të mungesës së rezultateve, që nga situata politike në secilën palë, pritjet e ndryshme dhe dykuptimëshe thuhet në analizën e bërë për përdorim të brendshëm dhe informim të deputetëve evropian, ku përkujtohet synimi i palëve për të qenë pjesë e BE-së, ku potencohet se për këtë duhen raporte të mira fqinjësore edhe bashkëpunim.
Pas sukseseve të fillimit dhe arritjes së marrëveshjes së Brukselit në vitin 2013, dialogu me ndërmjetësimin e BE-së u rëndua dhe ndërpre, por vazhdoi në vitin 2020 gjë që u mbështet nga bashkësia ndërkombëtare.
“Por, për shkak të mungesës së koordinimit mes BE edhe ShBA, nuk kishte përparim të vërtetë” thuhet në tekstin e publikuar nga kjo qendër.
Analistët pranë PE thonë se ka shumë shkaqe për mungesë të rezultateve, për shkak të pritjeve të ndryshme dhe dykuptimësisë së normalizimit.
“Qëllimi i Kosovës është i qartë - njohja nga Serbia, ndërsa për Serbinë normalizimi paraqet normalizimin ekonomik dhe hapësirë shumë të kufizuar jashtë kësaj” thuhet në tekst.
Në tekst thuhet se procesi i normalizimit duhet të mbetet në kuadër të Kushtetutës së definuar të Serbisë, që Kosovën e konsideron pjesë të territorit serb dhe në bazë të rezolutës 1244 të OKB-së.
Aktualisht çështja më e ndjeshme mbetet asociacioni i komunave serbe në Kosovë, që është pjesë e marrëveshjes nga viti 2013.
“Kjo tregon se sfidat janë rrënjosur thellë në histori dhe kanë kontest të gjerë regjional” thonë në Qendrën Analitike të PE.
