Ministri i brendshëm i Serbisë, Aleksandar Vulin në takimin me ambasadoren zvicerane në Serbi Ursa Shmid, ka kundërshtuar interesimin e saj rreth nevojës së anëtarësimit të Kosovës në organizatën botërore të Policisë Interpol, duke thënë se “Serbia do angazhohet aktivisht që pamundësimin e anëtarësimit të Kosovës në Interpol” nëse përsëri aplikon për pranim, shkruan “Espreso”, transmeton “Bota sot”.
Vulin kështu është përgjigjur ndaj ambasadores së Zvicrës Shmid, thuhet në kumtesën e MPB, ku shtohet se “Kosova nuk mund të anëtarësohet në cilëndo organizatë botërore, posaçërisht në ato që kanë të dhëna me bandat narkotike”, citohet të ketë thënë Vulin.
Ministri i Policisë, Vulin ka deklaruar se ka thënë se Serbia do të punojë aktivisht në pamundësimin e hyrjes së Kosovës në Interpol, nëse eventualisht Prishtina paraqet kërkesën për pranim.
Kjo sipas Vulin është absolutisht e papranueshme dhe do bëhet gjithçka që kjo të parandalohet edhe pamundësohet.
Në kumtesën e lëshuar nga MPB e Serbisë nuk jepen qëndrimet apo ndonjë deklaratë e ambasadores zvicerane, përveç qëndrimit tashmë të njohur të Vulin rreth Kosovës dhe anëtarësimit të saj në organizata të ndryshme ndërkombëtare.
