Policia ka dhënë detaje për zjarrin që ka përfshirë një shtëpi trekatëshe gjatë pasdites së sotme në Deçan.
Në një përgjigje zëdhënësi i policisë për rajonin e Pejës, Fadil Gashi, tha se asnjë person nuk është lënduar, derisa rasti është regjistruar rreth orës 17:45.
Sipas tij, zjarri ka filluar ta kaplojë edhe katin e dytë të shtëpisë, teksa kati i tretë është djegur tërësisht.
Ai tutje tha se ende nuk është bërë lokalizimi i zjarrit.
“Rreth orës 17:45, policia e stacionit të Depçanit është njoftuar për një zjarr në një shtëpi trikatëshe. Menjëherë janë njoftuar zjarrfikësit, të cilëve në ndihmë u kanë shkuar edhe zjarrfikësit nga Peja. Ata janë duke u munduar që ta shuajnë zjarri. Kati i tretë është kapluar tërësisht nga zjarri. Nuk ka viktima e as të lënduar. Njësitet relevante janë në vendin e ngjarjes dhe po punojnë për zbardhjen e shkaktarit të zjarrit”, tha Gashi.
