Presidenti i Serbisë, Aleksandër Vuçiq ka publikuar një fotografi me kryeministrin e Shqipërisë, Edi Rama dhe kryeministrin e Maqedonisë së Veriut, Zoran Zaev.
Takimi i tyre u mbajt në kuadër të Forumit Ekonomik për Bashkëpunimin Rajonal, ku tre liderët pritet të nënshkruajnë marrëveshje bashkëpunimi mes tyre.
“Ky është një hap i madh për të ardhmen. Bashkëpunimi politik dhe mes njerëzve sjell stabilitet dhe shumë gjëra të rëndësishme për të ardhmen e rajonit”, shkruan Vuçiq.
Ndër të tjera, thotë se marrëveshjet do të ketë të bëjnë me “agjendën jeshile” në mënyrë që vendet e Ballkanit Perëndimor të tërheqin sa më shumë investitorë dhe të krijojnë një treg të përbashkët.
