Një vëmendje të madhe në opinion ka tërhequr teksti i gazetarit Kit Klarenberg, i cili ka shkruar për planin e britanikëve për ndarjen e përhershme të Kosovës.
Në të vërtetë, siç thuhet, janë paraqitur dokumente sekrete, që zbulojnë financimin shumë milionësh të përpjekjeve të Londrës për të shtuar mbështetjen e serbëve në qeverinë e Kosovës.
Kjo çështje aktuale është përfolur edhe komentuar nga Darko Obradoviç nga Instituti për siguri në TV Prva.
Obradoviç në lidhje me tekstin dhe qëllimet e investimit britanik theksoi se “janë duke u investuar shumë para për integrimin më të mirë të qytetarëve në Kosovë”.
"Kjo nuk është ndonjë risi, ose çështje e panjohur. Keni donacione të fuqishme që të arrihet integrimi më i mirë. Pas 22 viteve dhe gjithë atyre mjeteve të investuara, ne kemi rastin e zonjës Dragica Gashiç e cila nuk mundet as bukë të blejë. Ndihmën e vetme e merr nga shteti i Serbisë”, tha ai.
"Nuk jetojmë në botën e së vërtetës, por në botën e perceptimit të vërtetës. Konflikti i ngrirë është shumë i rrezikshëm, sepse do të paraqiten shërbime informative që do nisin këtë trazira e konflikte” shtoi ai.
