Zëvendëskryeministri për Integrim Evropian Besnik Bislimi dhe menaxheri i Zyrës së Bankës Botërore për Kosovë, Massimiliano Paolucci, biseduan sot gjatë një takimi mbi ecurinë e programeve të Bankës Botërore në Kosovë dhe projektet e përbashkëta në fusha të ndryshme si shëndetësi, edukim, politika sociale.
Në takim u diskutua edhe rreth përmirësimit të bashkëpunimit në projektet e ardhshme mes Kosovës dhe Bankës Botërore.
Bislimi njoftoi Paolucci për reformat të ndryshme në kuadër të Pakos së Ringjalljes Ekonomike si dhe synimet e Qeverisë që përveç forcimit dhe përmirësimit të skemave sociale që reflektojnë nevojën e popullsisë për këto skema, të bashkëpunohet në mekanizma shtesë për të zvogëluar një nevojë të tillë.
Paolucci u shpreh i hapur që të diskutojnë çfarëdo iniciative të Qeverisë me qëllim që të ofrohen opsionet më të mira në kuadër të mundësive të tyre, thuhet në njoftim.
