Gjeneralit Nuredin Lushtaku i ka vdekur nëna.
Kështu ka njoftuar kreu i Skenderajt Bekim Jashari.
Jashari ka shprehur ngushëllime për vdekjen e Adilës, nënës së Lushtakut, i cili është edhe bashkëpunëtorë i ngushtë i tij në komunën e Skenderajt.
Njoftimi i plotë:
Me pikëllim mora lajmin për ndarjen nga jeta të nënës Adile, nënës së Gjeneralit Nuredin Lushtaku.
Nëna Adile jo vetëm për 6 djemtë e saj por ishte nënë edhe për ushtarët e Ushtrisë Çlirimtare të Kosovës, ajo ishte afër Komandantit Legjendar Adem Jashari e bashkëluftëtarëve të tij, të cilët në ditët më të vështira në rrugën e Idealit për Liri u ushqyen nga duart e arta të saj.
Jeta dhe vepra e saj, kontributi në luftën tonë heroike do të mbetet përherë pjesë e historisë sonë të lavdishme.
Në emrin tim personal dhe në emër të komunës së Skenderajt i shprehi ngushëllimet më të sinqerta familjes, Gjeneralit Nuredin Lushtaku dhe të gjithë miqve të familjes Lushtaku.
Pusho e qetë në tokën e Kosovës së Lirë nëna Adile!
