Një fëmijë është goditur rëndë nga një veturë në lagjen Ulpiana në komunën e Prishtinës.
Videoja nga përplasja është vërtet shqetësuese, por mësohet që fëmija ngrihet në këmbë dhe largohet paksa nga vetura.
Qytetarët më pas shkojnë dhe i ndalin në ndihmë.
Zëdhënësja e policisë për rajonin e Prishtinës, Florie Ahmeti, ka deklaruar se aksidenti ka ndodhur në rrugën “Mark Dizdari”, në orën 12:30.
“Sot rreth orës 12:30, në rrugën “Mark Dizdari”,në Prishtinë, ka ndodhur një aksident i komunikacionit rrugor në mes të një automjeti dhe një këmbësori. Si pasojë e aksidentit këmbësori, ka pësuar lëndime dhe i njëjti është dërguar për trajtim mjekësor. Me rastin po merren hetuesit e trafikut rajonal”, ka deklaruar Ahmeti.
