Edhe aktori dhe shkrimtari Çun Lajçi ka komentuar debatin ndërmjet kandidatëve për kryetar të komunave të Prishtinës, Arben Vitia dhe Përparim Rama.
Ai vlerësoi kulturën e debatit nga dy kandidatët, duke thënë se ishin të qartë, të urtë dhe të matur.
Mirëpo, sa i përket programeve politike, Lajçi kritikoi kandidatin e LDK-së, Përparim Ramën.
“Sepse Rama u dëshmua se asht vërtetë arqitekt artist, që programin e ka lulëzua mirë e mirë. Por jo për kryetarllëkun e vet, po për shitje (siç e kishte shitë 2004-tën e s’ishte realizua kurrë!) Kryesorja paret i kishte marrë e projektin LDK-ja nuk kishte mujtë me ia realizua! Se ishte i parealizueshëm kishin thanë!”, deklaroi Lajçi, përcjell “Bota sot”.
Postimi i plotë
Planet e kryetarve!
Hera e parë, (në shumë e shumë vite), që me andje e përcolla nji debat për kryetar Prishtine!
Ishin të qartë, të dishëm, t’urtë e t'matun. Zotni burra njeni e tjetri. Për lakmi!
Kishin vizatua projekte e kishin hallakatë rrugë. Si e qyshë e kur do t'përfundonin, as ata s'e kishin taman t'qartë. Por, programet i kishin marrë nën sqetull, si hoxhallarët qitapet, e veç që s'betoheshin n'planet e tyne!
Po të ndahej vota atëherë do t’votoja 80 me 20 për Vitinë!
E dini pse?
Sepse Rama u dëshmua se asht vërtetë arqitekt artist, që programin e ka lulëzua mirë e mirë. Por jo për kryetarllëkun e vet, po për shitje (siç e kishte shitë 2004-tën e s’ishte realizua kurrë!) Kryesorja paret i kishte marrë e projektin LDK-ja nuk kishte mujtë me ia realizua! Se ishte i parealizueshëm kishin thanë!
Gati të gjitha projektet mu dukën të tilla. T' mira sigurisht, e s'kishte nevojë me i arsyetua. Përveç pareve!
Nji gja s'e pata të qartë. Pse thoshte jam i pamvarun, kur LDK-ja e solli për kandidat t'vetin!
Dhe
Qyshë me ra Dragodani mbi Qendren e Rinisë e Kodra e Trimave të Komuna!
Nejse, punë artistësh. Mundohen me i shitë andrrat e veta!
