“Kjo që do ju them është ajo që duhet ta dini për Serbinë, Policia ruan muralin e kriminelit të ndytë, arreston Aida Çoroviç për një vezë, e nuk zbulohen vandalistët e zyrave të LSV”, kështu ka shkruar lideri i LSV, Nenad Çanak, shkruan “B92”, transmeton “Bota sot”.
Në ndërtesën ku ndodhen lokalet e LSV janë vërejtur sot që në mëngjes grafite të shumta që zmadhojnë figurën e Ratko Mladiç dhe përmbajnë fyerje edhe sharje për kreun e partisë Çanak, shkruan gazeta.
Një ditë më herët, në media u publikua lajmi se aktivistët e Ligës Social-demokrate të Vojvodinës kanë shkatërruar të dielën në mbrëmje muralin që i përkushtohet ish-komandantit të Ushtrisë së Srpskës.
Kreu i LSV Nenad Çanak në rrjetin social Tviter ka shprehur mllefin edhe nervozen duke përdorur edhe fjalë poshtëruese edhe fyese drejtuar atij, sikurse edhe nënvizimin se Ratko Mladiç është i dënuar nga Haga për krime lufte.
"Puna e territ nga ‘heronjtë’. Policia ruan muralin e kriminelit të ndotur të luftës, ndërkohë që arrestohet Aida Çoroviç për shkak të hedhjes së një veze, ndërsa tjerët nuk ka kush i ruan. Kurrë asnjë njeri nuk u gjet për shkak të vandalizmit në hapësirat e LSV nëpër Vojvodinë. Kjo është e gjitha që duhet ta dini për Serbinë”, shkroi Çanak.
