Një përleshje ka ndodhur gjatë mbrëmjes së sotme në rrugën “Rexhep Luci” të Prishtinës apo te kafeteria e njohur “Bon Vivant”.
Burimet bëjnë të ditur se njëri nga punëtorët e sigurimit të këtij biznesi, ku aksionar është edhe nënkryetari i PDK-së, Uran Ismaili, i ka sulmuar fizikisht zyrtarët e Agjencisë së Ushqimit dhe Veterinarisë së Kosovës (AUVK).
Këta të fundit ishin duke inspektuar brenda lokalit, por më pas u goditën fizikisht nga sigurimi.
Media mëson se i lartcekuri është arrestuar menjëherë nga Policia e Kosovës.
Mediumi mes tjerash ka provuar të kontaktojë me Policinë lidhur me rastin, por nuk ka marrë përgjigje.
