Visar Dërmaku i njohur si “Gani Gërmia”, është shoqëruar sot në Policinë e Kosovës.
Lajmin e ka konfirmuar zëdhënësja e PK-së për Rajonin e Prishtinës, Flora Ahmeti, i cili tha se Dërmaku pas intervistimit në Polici është liruar.
“Sot është intervistuar dhe liruar. Nuk ka pasur elemente për arrestimin e tij”, tha ajo.
“Gërmia” sa ishte në një lidhje direkte në “Tik-Tok”, e ka telefonuar Policinë e Kosovës, duke u tallur me ta.
Ai bisedën telefonike e nisi duke “porositur” picë, ndërkaq zyrtari policor që është lajmëruar në telefon ia bën me dije se ka telefonuar në Policinë e Kosovës.
Bisedë është publikuar në TikTok në dhjetor të vitit të kaluar.
Pjesë nga biseda:
Policia: Alo Policia urdhëroni
Visari: A ka mundësi një picë margaritë qetu te rruga C
Policia: Qysh i nderum
Visari: Picë margaritë te rruga C
….
Policia: A ki ndonjë problem i nderum
Visari: Jo nuk kam problem
Polici: Të informoj që ke thirrë Policinë i nderum
Visari: Aaaa, me mfal
