Naim Rudari, ish-shef i antidrogës në Policinë e Kosovës, ka reaguar pas suspendimit të policit Amir Hoxha, pasi reagoi publikisht për çështjen e shujtave për uniformat e kaltërta.
Rudari, me anë të një postimi në ‘Facebook’ ka konsideruar se suspendimet e këtilla kanë qëllim ndëshikimin e drejtpërdrejt.
“Suspendimet e tilla të vetmin qëllim e kanë NDËSHKIMIN e drejtëpërdrejtë, ndërsa aktet e brendshme mund të shkruhet për qefe e teke “të të fortëve””, ka shkruar ai.
Ish-shefi i antidrogës ka konsideruar se diçka e tillë e zbeh integritetin e Policisë dhe ka thënë se suspendimi do duhej bërë vetëm kur ka hetime ndaj policit ose prezenca e tij në punë do të pengonte hetimin.
Postimi i plotë:
SUSPENDIMI i zyrtarëve policor do të duhej bërë vetëm kur pengohet hetimi dhe në kohën sa më të shkurtër!
Përndjekja e policëve me suspendime pa asnjë arsye zbeh në masë të madhe integritetin e Policisë së Kosovës dhe zvogëlon efikasitetin dhe efektivitetin e secilit zyrtar policor në punën e përditshme.
P.sh Suspendimi ka efektin dhe arsyen vetëm kur duhet bërë hetime ndaj zyrtarit policor dhe prezenca e tij në punë do të pengonte hetimin.
Si do të pengohej hetimi për një shkrim nga një
zyrtar policor në profilin e tij në facebook për një të drejtë që i takon e duke e krahasuar me realizimin e të drejtave të tjerëve të paarsyeshme dhe të pa nevojshme.
