Në valën e rritjes së çmimeve, pritet të rritet edhe çmimi i makiatos. Gastronomët po e arsyetojnë rritjen e çmimit me problemet financiare.
Është porosia më e shpeshtë nëpër kafiteritë e qyetit.
Mirëpo, së bashku me konsumin e saj, pritet të rritet edhe çmimi.
Faturimi i makiatos, nga 1 euro sa është tani, se shpejti mund te jetë më shtrenjtë.
Përkundër pagesës më të madhe, këtë lajm qytetarët po e konsiderojnë krejtësisht normal.
“Ne pa makiato nuk mundemi me ndejt, pa rrymë rrina e pa makiato nuk rrina. Makiatot i kemi paguar gjatë luftws nga 4 euro e gjysmë në Prishtinë”, ka thënë një qytetar.
Ndryshe nga ky, ka qytetarë të tjerë që nuk e konsumojnë fare këtë pije.
Pronarët e kafiterive thonë se aktualisht çmimi është sikurse ka qenë më herët, por kjo situatë pritet të ndryshojë në një të ardhme të afërt.
Njëjtë mendon edhe pronari i Odës së Hotelierisë, Hysen Sogojeva, i cili rritjen eventuale të çmimeve në gastronomi po e arsyeton me humbjet që ky sektor i pati gjatë periudhës së kufizimit të orarit të punës.
Ai po ashtu u shpreh edhe kundër masave të tanishme anti-COVID-19, me arsyetimin se nuk ka nevojë për kufizim të lëvizjes.
Çmimet e makiatos pësuan rritje edhe në muajin shtator të vitit të kaluar, si pasojë e, siç thuhej, problemeve financiare të shkaktuara nga pandemia.
