Krahas zhvillimeve të fundit Ukrainë, presidenti i Serbisë, Aleksandër Vuçiq ka caktuar një seancë urgjente të Këshillit të Sigurisë Kombëtare.
Seanca e Këshillit të Sigurisë Kombëtare duhet të fillojë në orën 13.00, menjëherë pas takimit që presidenti Aleksandar Vuçiq ka me ambasadorët e QUINT-it, transmeton “Bota sot”.
Pas seancës së Këshillit, në ora 15 është caktuar seanca e Qeverisë, ku Vuçiq do t'u drejtohet anëtarëve të Qeverisë.
Vuçiq tha të mërkurën nga Madridi se në 48 orët e ardhshme do t'i përgjigjet kërkesave të BE-së për harmonizimin e politikës së jashtme të Serbisë me atë të BE-së në lidhje me Rusinë.
Sipas presidentit, Serbia është në një situatë shumë të vështirë dhe është nën presion të madh për t'u anëtarësuar në BE dhe për të dënuar lëvizjet e presidentit rus Vladimir Putin në Ukrainë, si dhe për të kërkuar që vendi ynë të vendosë sanksione ndaj Rusisë.
