Në vendvotimin në Bibliotekën e Qytetit në Ulqin, është hapur qendra ku do të organizohet procesi zgjedhor për zgjedhjet lokale 2022, njëherësh vendvotimi më i madh në ketë qytet.
Sikur këtu, procesi zgjedhor ka filluar me kohë edhe në 37 vendvotimet e tjera që për 12 orë do qëndrojnë të hapura për të votuar 20 mijë e 392 qytetarë, për 33 këshilltarët komunal.
Në garë janë pesë lista zgjedhore me kandidatët e tyre që do masin forcat në këto zgjedhje.
Si në Ulqin, zgjedhjet lokale sot janë duke u organizuar edhe në qytetin e Beranës në Mal të Zi.
Interesimi i qytetarëve është i ulët këtë mëngjes për të votuar.
Deri tashti nuk raportohet për ndonjë incident apo parregullsi.
