Mbi 51 për qind e punëtorëve të Radio Televizionit të Kosovës paguhen në vlerë prej një mijë deri një mijë e 500 euro.
Kështu është bërë e ditur nga një publikim i Institutit GAP, bazuar në të dhënat e Administratës Tatimore të Kosovës.
Sipas këtij publikimi, gjatë vitit 2021 në RTK paga kanë marrë rreth 900 persona si punëtorë të qëndrueshëm, teksa numri i të punësuarve në dhjetori ishte rreth 990.
Tutje, bazuar në të dhënat shihet se 28 për qind e të punësuarve marrin pagë prej 1200 deri 1500 euro, teksa mbi 23 për qind janë në grupin e pagave prej një mijë deri një mijë e 200 euro.
Ndërkaq, gati 9 për qind të të punësuarve në RTK kanë pagë mbi 1500 euro.
