Depueti i PDK-së, Ardian Kastrati ka reaguar në lidhje me dy çështje që u kthyen në kryetemë në vend.
E para ka të bëj me videon e publikuar nga VV e që ka etiketuar ish-krerët e UÇK-së si shkatërrues të vendit, ndërsa e dyta ka të bëj me mosekzekutimin e pagave për mësimdhënësit grevist.
Reagimi i tij i plotë:
DIKUSH PO DON ME KALL KOSOVËN!
Rusia e Serbia nuk e kanë lehtë me hy në Kosovë me tankse, raketa e aeroplan luftarak sepse këtu përveç nesh janë edhe forcat e NATO-s.
Mirëpo, Rusia e Serbia nuk hoqën dorë nga skenare të tjera që prodhojnë urrejtje e përçarje mes shqiptarëve me qëllim destabilizimin e shtetit tonë dhe me shpresë se këto skenare potencialisht ndezin edhe vëllavrasjen mes nesh.
1.
VV paska prodhuar një video për 20 vjeçarin e fundit. Videon e paskan lidhur me foto të liderëve të UÇK-së të cilët sot gjenden në Hagë për shkak të iniciativave të Rusisë dhe dëshmive të shërbimeve sekrete serbe e bashkëpunëtorëve të tyre.
Kjo video si e tillë i shërben VETËM skenareve ruso-serbe për destabilizim të Kosovës nga brenda duke i mundësu kështu Rusisë e Serbisë që në rolin e spektatorëve të përjetojnë destabilizimin e Kosovës si kënaqësi.
Ideatorët dhe dora që ka prodhu këtë video ose i kanë adresat në Beograd e Moskvë ose janë total të padishëm.
2.
Ndalja e pagave për 20.000 familje duke i poshtërsuar ato prodhon situata të rrezikshme dhe kaos potencial që poashtu i konvenon vetëm skenareve ruso-serbe për destabilizim të shtetit të Kosovës.
Ata njerëz që e marrin këtë vendim për me i ndal rrogat ose i kanë adresat në Beograd e Moskvë ose janë total të padishëm.
Cilado që është e vërteta një është e sigurt se ky pushtet dhe VV -ja me këto veprime dojnë me marrë në qafë Kosovën.
ZOTI NA RUAJT!
Për më shumë lidhur me këto tema të Enjten në Kuvend.
