Ambasadori amerikan në Serbi Christopher Hill theksoi se tejkalimi i kontestit rreth ri-regjistrimit të automjeteve nuk do të i kontribuoi zgjidhjes së çështjeve kyçe mes Beogradit dhe Prishtinës, shkruan “RTS” transmeton “Bota Sot”.
Këtë deklaratë Hill e bëri në përgjigje të pyetjes së gazetarëve në pritjen që organizoi ambasada për vizitën e njerëzve afarist të ShBA-ve në Serbi, ku tha se Prishtina ndjehej se ndodhet në zonën gri ku bëhet fjalë për anëtarësimin në organizatat ndërkombëtare, përfshirë OKB,ndërsa Serbia ka të drejtë të pyes çka do të bëhet me bashkësinë ndërkombëtare në Kosovë.
"Serbia ka të drejtë të shtrojë pyetjen se ka do të bëhet me bashkësinë serbe në Kosovë, a mund të ndjehen komfort serbët në Kosovë, a mund të ndjejnë mbështetje dhe mbrojtje ligji, të ruajnë identitetin. Këto janë me rëndësi kyçe, që çështja e Kosovës të internacionalizohet dhe bashkësia serbe mos t harrohet” tha Hill.
Në vend të kësaj, ne po “sillemi rreth tabelave" tha ai, duke shtuar "Sido që përfundon kjo çështje, ajo nuk zgjidh çështjet kyçe dhe shqetësimin e dy palëve – anëtarësimin e Kosovës në organizata ndërkombëtare dhe ardhmërinë e bashkësisë serbe dhe këto nuk i zgjidhin tabelat”.
Duke thënë se nuk është ndërmjetës dhe bisedues në dialog, Hill tha se “BE ka punuar shumë në këtë çështje".
Konsideroj se zgjidhja duhet t dal nga marrëveshja e Brukselit dhe palët duhet të bashkëpunojnë në zgjidhjen e çështjeve të hapura.
"Nuk duam që dialogu të shndërrohet në zgjidhjen e kontesteve, ne duam që me dialog të zgjidhen çështjet më të mëdha” tha Hill.
Askush nga afaristët amerikan nuk përmendi Kosovën, kjo dëshmon interesin për zhvillim ekonomik "Mendoj se Serbia dhe ShBA mund të bëjnë akoma më shumë në kuptimin ekonomik dhe këtë do ta bëjmë” tha Hill.
Sipas tij Serbia është vend në lëvizje dhe tregon përkushtim për të bërë zgjidhje me rëndësi në momentin historik.
