Situata në Veri të Kosovës është qetësuar pas marrëveshjes së Brukselit, por asgjë nuk ka marrë fund mes dy vendeve. Takimi i Aleksandër Vuçiçit me policinë ushtarake dhe publikimi i një fotografie të tij duke parë ndeshjen ndërmjet Serbisë dhe Brazilit në prani të pjesëtarëve të veshur me uniformë të ushtrisë ka ngjallur debat të madh në Serbi e Kosovë. “Ky është një mesazh i gabuar”, tha kryetari i Lidhjes së Social Demokratëve të Vojvodinës, Bojan Kostres. Ndërsa Izabela Kisiç nga Komiteti i Helsinkit për të Drejtat e Njeriut, u shpreh se në kontekstin e mundësisë së konfliktit në Kosovë, Serbia nuk ka fuqi për të hyrë në luftë me vendet e NATO-s.
"Të humbni ose të fitoni, ne jemi gjithmonë me ju. Ne jemi gjithmonë me kombëtaren tonë. Përpara Serbisë”, ka shkruar Vuçiç në rrjetet sociale.
Goditja e madhe që mund të marrë Serbia
Në kontekstin e problemit të Kosovës, i cili deri dje rrezikonte të shndërrohej në konflikte të hapura, Bojan Kostresh i thotë Danasit se Serbia nuk duhet ta ngrijë konfliktin, por ta zgjidhë problemin përmes bashkëpunimit me Bashkimin Evropian dhe partnerët perëndimorë.
“Çdo mendim, qoftë edhe më i butë, për konflikte është i gabuar dhe ky rajon, e veçanërisht Serbia dhe Kosova, do të kushtonin shtrenjtë”, tha Kostreshi. Sipas tij, Vuçiç dhe kryeministri i Kosovës, Albin Kurti, duhet të gjejnë një zgjidhje sepse, thekson ai, konfliktet janë të papranueshme jo vetëm për shkak të viktimave të mundshme, por do të nënkuptonin edhe ndalimin e investimeve dhe largimin e punëdhënësve të huaj.
“Farsa me targat është vetëm një shpërqendrim nga fakti se duhet njohur realiteti dhe të shkohet në drejtim të një marrëveshjeje ligjërisht të detyrueshme. Kryeministri i Hungarisë, Viktor Orban, dërgoi mesazhin se Vojvodina ndodhet në Hungari me batutën e tij të ashtuquajtur të madhe Hungarisht, e cila është e papranueshme dhe skandaloze. Vuçiç është dashur të reagojë ndaj gjestit të shokut të tij”, tha ai.
Izabela Kisiç beson se negociatat për Kosovën zhvillohen prapa skenave dhe është e vështirë, shton ajo, të komentohet diçka.
“Marrëveshja e fundit në Bruksel tregon rrugën drejt zgjidhjes së çështjes së Kosovës. Serbia nuk ka mundësi për asnjë veprim ushtarak ndaj Kosovës, duke pasur parasysh mjedisin e NATO-s”, përfundon ajo.
Ja rezultati i marrëveshjes nga Brukseli
Serbët nga veriu i Republikës së Kosovës ende po mbledhin përshtypjet e tyre pas marrëveshjes së fundit në Bruksel, e cila pezulloi procesin e ri-regjistrimit në “RKS”, si dhe dhënien e targave të qyteteve të banuara me serb në Kosovë.
Edhe pse detajet teknike për gjithçka do të merren vesh në ditët në vijim, Nova ka hulumtuar të gjitha mundësitë që kanë tani në dispozicion serbët nga Kosova. Sipas disa vlerësimeve, në gjithë Kosovën janë rreth 9500 targa me numër regjistrimi “KM”. Përveç atyre, edhe pse rrallë, mund të shihni edhe targat “PE”, “PR”, “?A”, “PZ”, “UR” dhe “GL”.
Të gjitha këto targa Kosova i konsideron të paligjshme. Siç raporton Nova, marrëveshja e fundit e arritur në praktikë do të thotë që serbët që tashmë kanë targa të disa prej qyteteve të banuara me serbë në Kosovë, mund t’i zgjasin pa pengesa, siç kanë bërë deri më tani, derisa të dyja palët të arrijnë marrëveshje. Duke gjykuar si janë gjërat tani, nëse dikush blen një makinë krejt të re që nuk është e regjistruar, nuk mund ta regjistrojë në “KM”, sepse Serbia nuk e lejon. Këtu lihet mundësia e ndryshimit, për të cilën, siç ishte paralajmëruar, të dyja palët do ta diskutojnë ende.
Në situata të tilla, shoferëve u jepet mundësia të regjistrojnë ose riregjistrojnë veturën në një nga qytetet në Serbi. Kur bëhet fjalë për një opsion të tillë, i ashtuquajturi “pëlqimi ndërkombëtar”, që nënkupton se një shofer nga Kosova e regjistron veturën e tij tek dikush që jeton në territorin e Serbisë, në mënyrë që me pëlqimin e lartpërmendur të mund të lëvizë pa pengesë në mbarë Kosovën. Institucionet paralele me seli në Rashkë vazhdojnë regjistrimin e automjeteve me targa KM dhe siç thonë ata, e gjithë procedura zgjat rreth dhjetë minuta dhe nuk ka turma të mëdha.
