Deputetja e Partisë Demokratike, Jorida Tabaku ka reaguar për tensionet në veri të Kosovës. Në një postim në Twitter, Tabaku tha se diplomacia dhe dialogu nuk po arrijnë rezultate.
Sipas deputetes, cënimi i territorit dhe sulmi ndaj mediave, të kujtojnë një periudhë që i përket të shkuarës.
Tabaku i bën thirrje palëve që atë që kanë arritur përmes diskutimeve, nuk duhet të zhbëhet brenda ditës.
Postimi i Jorida Tabakut:
Në kufirin midis Kosovës dhe Serbisë duket se diplomacia & dialogu nuk po arrijnë rezultate. Cënimi i territorit, sulmi ndaj mediave, barrikadat në veri të Kosovës kujtojnë një periudhë të së shkuarës që nuk i përket të tashmes dhe ardhmes së BP!
Ajo që është arritur me hapa të vegjël në tryeza diskutimi, nuk duhet zhbërë brenda ditës me forcën e dhunës! Kosova është e pavarur, është realitet i pranuar nga të gjithë. Mohimi s’ndryshon kurrgjë dhe kur Serbia ta pranojë këtë realitet atëherë do të ketë paqe për të gjithë!
