Vuçiq: Heqja e barrikadave do të nisë mëngjesin e së enjtes

Presidenti i Serbisë, Aleksandar Vuçiq, pas takimit me përfaqësuesit e serbëve nga Kosova tha heqja e barrikadave do të nisë mëngjesin e së enjtes.

“Për 24 orë apo 48 orë do të hiqen barrikadat”, tha ai.

Ai tha paraprakisht, se janë dhënë garanci se kërkesat e tyre për heqjen e barrikadave do të plotësohen.

Vuçiq, mbrëmjen e 28 dhjetorit në kazermën e Ushtrisë Serbe në Rashkë, afër kufirit me Kosovën, nisi bisedimet me përfaqësuesit e serbëve nga Kosova për heqjen e barrikadave.

Në takim, ai tha se Dejan Pantiqi ka mbërritur në shtëpi dhe se kjo është një “fitore simbolike”.

Arrestimi i ish-policit serb, në të cilin Kosova dyshon se ka sulmuar anëtarët e Komisionit Qendror të Zgjedhjeve, ka qenë arsyeja e barrikadave që përfaqësuesit serbë në veri të Kosovës po mbajnë që nga 10 dhjetori.

Lirimi i tij është një nga kushtet për heqjen e bllokadave dhe më 28 dhjetor autoritetet në Kosovë ndryshuan masën e sigurisë, nga paraburgimi në arrest shtëpiak.

Ish-deputeti i Listës Serbe, Slavko Simiq, është njëri nga pjesëmarrësit e takimit me presidentin e Serbisë, Aleksandar Vuçiq, ku tha se “populli është i vendosur të qëndrojë në barrikada”.

Simiq tha se synimi i Qeverisë së Kosovës është “pushtimi i veriut”, poshtërimi dhe dekurajimi i tyre.

“Ne nuk do ta lejojmë këtë. Populli është i vendosur të qëndrojë në barrikada, të shpëtojë fytyrën tonë. Askush nuk ka frikë”, është shprehur Simiq në takim me Vuçiqin, shkruan Novosti.

Ndërsa, Vuçiqi tha se ai u akuzua për organizimin e barrikadave por se sipas tij, vendosjen e barrikadave e kuptoi pas tre orësh.

Presidenti i Serbisë, Aleksandar Vuçiq, në një takim me përfaqësuesit e serbëve nga Kosova tha se janë dhënë garanci se kërkesat e tyre për heqjen e barrikadave do të plotësohen.

Presidenti serb mbrëmjen e 28 dhjetorit nisi bisedimet me përfaqësuesit e serbëve nga Kosova për heqjen e barrikadave.

Në takim, Vuçiq tha se Dejan Pantiqi ka mbërritur në shtëpi dhe se kjo është një “fitore simbolike”.

Arrestimi i ish-policit serb, në të cilin Kosova dyshon se ka sulmuar anëtarët e Komisionit Qendror të Zgjedhjeve, ka qenë arsyeja e barrikadave që përfaqësuesit serbë në veri të Kosovës po mbajnë që nga 10 dhjetori.

Lirimi i tij është një nga kushtet për heqjen e bllokadave dhe më 28 dhjetor autoritetet në Kosovë ndryshuan masën e sigurisë, nga paraburgimi në arrest shtëpiak.

Vuçiq, i cili po bisedon me përfaqësuesit e serbëve në kazermën e Ushtrisë Serbe në Rashkë afër kufirit me Kosovën, tha se kërkesa e tyre e dytë është që “njerëzit që ishin në barrikada të mos ndiqen penalisht”.

“Këtë e kemi të shkruar në letër, padyshim”, theksoi ai, raporton REL.

Duke folur për kërkesën e serbëve për të mos lejuar hyrjen e forcave speciale të Kosovës në veri, ai përmendi deklaratën e misionit të NATO-s (KFOR) të datës 28 dhjetor.

“Ne kemi një dokument të posaçëm që i jep të drejta edhe popullit serb në veri të Kosovës edhe shtetit të Serbisë, por gjithashtu i imponon KFOR-it obligim që të parandalojë hyrjen e forcave të sigurisë së Kosovës në veri për herë të parë”, tha ai.

Deri më tani Serbia ka qenë zëshëm kundër dërgimit të njësive speciale të Policisë së Kosovës në veri, duke thënë se kjo është në kundërshtim me marrëveshjet ndërkombëtare. Megjithatë, një marrëveshje për një gjë të tillë nuk është arritur kurrë.

Kosova ka marrëveshje me NATO-n që Forcat e Sigurisë së Kosovës të mos dërgohen në veri pa pëlqimin e komandantit të KFOR-it dhe kjo nuk ka qenë çështje e diskutimit.

Para nisjes së takimit, presidenti i Serbisë tha se do të “pranojë çdo vendim” të serbëve nga Kosova lidhur nga barrikadat në veri.

Ai tha se pret që serbët “të vijnë me kërkesa për të dhe për Serbinë”, dhe shtoi se ata nuk i besojnë as Bashkimit Evropian dhe as SHBA-së, e më së paku kryeministrit të Kosovës, Albin Kurti.

Presidenti serb, Aleksandar Vuçiq ka deklaruar se ishte kërkuar që njësitet speciale të Policisë së Kosovës ta transportonin Dejan Pantiqin nga paraburgimi, të cilit iu caktua masa e arrestit shtëpiak nga masa e paraburgimit.

Megjithatë, sipas tij, këtë gjë e ka bërë EULEX-i.

Ai ka thënë se Pantiq do të jetë shumë shpejtë në shtëpinë e tij, bashkë me familjen.

Këto deklarata Vuçiq i ka bërë gjatë një takimi me serbët në kazermën e Rashkës në orët e vona të kësaj mbrëmjeje.

“Presim që Dejan Pantiq të jetë në shtëpi me familjen e tij bashkë me familjen, pasi tanimë barrikadat kanë filluar të anashkalohen. Kërkesa e tyre ishte që ROSU ta sillte atë, por e bëri EULEX-i. Është një fitore simbolike. Atë që e kemi vënë mbi letër është se njerëzit që kanë qëndruar prapa barrikadave të mos ndiqen nga drejtësia, e kemi të shkruar këtë gjë”, ka thënë Vuçiq para serbëve. 

Presidenti Aleksandar Vuçiq nga takimi i tij me përfaqësues serbë të Kosovës në Rashkë se janë duke e pritur në çdo moment kthimin e ish-policit të arrestuar për vepra terroriste, Dejan Pantiq, në shtëpinë e tij, duke njoftuar se ai është i shoqëruar nga EULEX.

Po ashtu, për serbët që qëndruan në barrikada e që hodhën edhe mjete shpërthyese, nuk do të ndiqen penalisht, shkruan Danas.

“Është një fitore simbolike. S’ka mëdyshje se personat që kanë qenë në barrikada nuk do të ndiqen penalisht”.

Ai tha se personat që ishin në barrikada do të kthehen pas 45 minutave për “t’i informuar për vendimet”.

Vuçiq gjithashtu tha se është e rëndësishme që në deklaratën zyrtare të KFOR-it, si dokument i veçantë, “t’i jepet të drejta si popullit serb, ashtu edhe shtetit të Serbisë dhe obligim ndaj KFOR-it, që të mos lejojë hyrjen e forcave speciale të Kosovës në veri të vendit”.

Presidenti serb, Aleksandar Vuçiq, mbrëmjen e 28 dhjetorit nisi bisedimet me përfaqësuesit e serbëve nga Kosova për heqjen e barrikadave. Në takim, Vuçiq tha se Dejan Pantiqi ka mbërritur në shtëpi dhe se kjo është një “fitore simbolike”.

Arrestimi i Pantiqit, në të cilin Kosova dyshon se ka sulmuar anëtarët e Komisionit Qendror të Zgjedhjeve, ka qenë arsyeja e barrikadave që përfaqësuesit serbë në veri të Kosovës po mbajnë që nga 10 dhjetori.

Lirimi i tij është një nga kushtet për heqjen e bllokadave dhe më 28 dhjetor autoritetet në Kosovë ndryshuan masën e sigurisë, nga paraburgimi në arrest shtëpiak.

Vuçiq, i cili po bisedon me përfaqësuesit e serbëve në kazermën e Ushtrisë Serbe në Rashkë afër kufirit me Kosovën, tha se kërkesa e tyre e dytë është që “njerëzit që ishin në barrikada të mos ndiqen penalisht".

Para takimit, presidenti i Serbisë tha se do të “pranojë çdo vendim” të serbëve nga Kosova. Ai tha se pret që serbët “të vijnë me kërkesa për të dhe për Serbinë”, dhe shtoi se ata nuk i besojnë as Bashkimit Evropian dhe as SHBA-së, e më së paku kryeministrit të Kosovës, Albin Kurti.

Shefi i Zyrës për Kosovën në Qeverinë serbe, Petar Petkoviq, tregoi më herët se Vuçiqi u ka kërkuar serbëve në veri të Kosovës që të tërhiqen nga barrikadat. Ai tha se kjo kërkesë u bë pas deklaratës së lëshuar nga Shtetet e Bashkuara dhe Bashkimi Evropian lidhur me situatën në veri të Kosovës.

Në një deklaratë të përbashkët më 28 dhjetor, SHBA-ja dhe BE-ja mirëpritën garancitë e lidershipit të Kosovës që konfirmuan se nuk ka lista për arrestimin e qytetarëve serbë ose përndjekjen e atyre që protestojnë paqësisht apo për vendosjen e barrikadave.

Kryetari i Listës Serbe, partia udhëheqëse e serbëve në Kosovë, Goran Rakiq tha sot se serbët refuzojnë të tërhiqen nga barrikadat, edhe pse Vuçiqi mendon se kjo do të ishte një gjë e mirë.

Tensionet në veri janë ngritur që nga nëntori, kur serbët u larguan nga institucionet e Kosovës. Por, tensionet kulmuan me vendosjen e barrikadave më 10 dhjetor.

Për shkak të barrikadave, rrugët që çojnë drejt pikëkalimeve kufitare në Jarinjë dhe Bërnjak, që lidhin Kosovën dhe Serbinë, janë bllokuar.

Autoritetet në Kosovë më 27 dhjetor mbyllën edhe pikën kufitare të Merdares, pasi në anën serbe të kufirit, u vendosën barrikada.

Për vendosjen e barrikadave, Kosova fajëson “grupet kriminale” që mbështeten nga Serbia. Beogradi ndërkaq ka shprehur përkrahjen për barrikadat dhe ka thënë se ato nuk do të hiqen deri kur Prishtina të formojë Asociacionin e komunave me shumicë serbe.

Së fundi, në veri janë regjistruar një sërë incidentesh me armë zjarri, granata dore dhe shok bomba.

Cak i sulmeve kanë qenë pjesëtarët e Policisë së Kosovës, të misionit të NATO-s në Kosovë, KFOR, ata të misionit të BE-së për Sundim të Ligjit, EULEX, dhe gazetarët./REL